వీడ్కోలు

చల్లని ఆడవిలో

ప్రేమ నిండిన మనసుతో

అమ్మ ప్రేమ అనురాగం తో

పెరుగుతున్న జింకపిల్ల

కౄరమైన వేటగాడి

బాణానికి మరణించింది

తన తల్లికి కన్నీరు మిగిల్చింది

కల్లొల సముద్రంలో

సునామీ తాకిడికి

ఒక భారీ నౌక

ఒడ్డున చేరి

విగతజీవిగా మారింది

సాగరం తో తన అనుబందం

కోల్పోయింది

దూరమైన ప్రేయసి ఆలోచనలతో

విషాద వదనంతో

జీవితం అంథకారంలో ఉన్న

ఒంటరి బాటసారికి

మిణికుమిణికుమన్న

అందమైన నక్షత్రం పలుకరించింది

వెనువెంటనే అది రాలిపోయింది

ఈ విశ్వాన్ని అది వీడిపోయింది

నక్షత్రాలే మరణించినప్పుడు

చిన్న మనసుల మనుష్యులం మనం

ఎలా ఈ బందాలు శాశ్వతం ?