పసివాడు

గతం తలుచుకుని దిగులు చెందడు
భవిష్యత్ గురించి ఆరాట పడడు

తనకు శత్రువులు లేరు
అలా అని మిత్రులూ లేరు

ఆశా లేదు
నిరాశా లేదు

తను అందం అన్న ప్రీతి లేదు
కురూపి అయినా భాధ లేదు

లోకం పోకడ తెలియని
పాల బుగ్గల పసివాడు

కల్మషం లేని
'పసిడి' వాడు

నా చెలి

నా చెలి కురులు
సాగరుని కెరటాలు
నయనాల నయగారాలు
జాబిలి పరవశాలు
నా చెలి చెక్కిలిలు
పాలమీగడ పులకరింతలు
ఆమె చిరునవ్వు
తేనె లాంటి మథురాలు
తన అధరాలు
పూల పరిమళాలు
తన పలుకరింపులు
కోయిల గానాలు
ఆమె మనస్సు
చల్లని వెన్నెల సొగసు
ఆమె నడకలు
సొగసైన పవనాలు
తీరాలు దాటిన నా చెలి
నా మనసు మెచ్చిన నా ప్రియసఖి