దూరంగా ఉన్న నా ప్రేయసికి ఇలా శుభాకాంక్షలు తెలుపుతున్నా

ఉదయించిన సూర్యుని కిరణాలను అడిగా
నా ప్రేయసి కి నూతన సంవత్సర శుభాకాంక్షలు చెప్పమని
అవి నల్లని మబ్బుల మాటున దాగుండి పోయాయి


రాత్రి చంద్రుడిని కూడా అడిగా
ఆ విషయం మరిచి ఉదయం లేచేసరికి అది 
వేరొక చోటికి వెళ్ళిపోయింది.


దూరంగా వస్తున్న సముద్రపు అలలని అడిగా
ఆమె ఉన్న చోటు కి ప్రయాణం చేయలేనన్నవి 
ఆకాశం లొ ఉన్న ఇంద్రదనస్సుని అడిగా
నా మాట వినేలోగా అది మాయమయ్యిపోయింది


విచారం నిండిన మనస్సుతో ఒక గులాబీ మొక్కతో 
నా బాదను వ్యక్తపరుచుకున్నా
నా ప్రేయసితో శుభాకాంక్షలు చెప్పమని వేడుకున్నా


ఆ మొక్క 2012 సంవత్సరపు బుట్టలో 
నాకు 12 నెలలకు గుర్తుగా 12 గులాబీలను ఇచ్చింది 
ప్రేమ నిండిన మనస్సుతో అవి ఆమెకు పంపిస్తున్నా


దూరంగా ఉన్న నా ప్రేయసికి ఇలా శుభాకాంక్షలు తెలుపుతున్నా .

నా ప్రేయసి

కొలనులో ఒంటరిగా ఉన్న కలువ పూవు
చల్లని చంద్రుని వెన్నెలకోసం ఎదురుచూస్తున్నది


దూరంగా ఉన్న సముద్రపు కెరటం
భూమిని తాకాలని వేచిఉన్నది


శీతాకాలపు పొగమంచు అప్పుడే వికసించిన
గులాబీని తాకి నీరుగా మారిపోవాలనుకుంది


ఒంటరిగ ఉన్న నా హ్రుదయం
దూరంగా ఉన్న ప్రేయసి పిలుపు కోసం వేచియున్నది


(ఈ కవిత నాకు కాబోయే భార్య కోసం రాసుకున్నది )

ఒక ఆకారం

అటుగా వెళుతున్న నాకు ఒక
ఆకారం కనిపించింది
నేను పలుకరించాలనుకున్నా
తను కూడా పలుకరించింది
నేను మాట్లాడాలనుకున్న
తను కూడా మాటలు నాతో కలిపింది
నేను చిరునవ్వులు చిందించా
తను కూడా చిరునవ్వులు చిందించింది
కోపం వచ్చి గట్టిగా అరిచా
తనుకూడా నాతోపాటే అరిచింది
అక్కడి నుండి వెళ్ళిపోవాలనుకున్నా.
వెళ్ళిపోతూ వెనక్కు తిరిగి చూసా
మళ్ళీ కనిపించింది
ఎవరా వ్యక్తి నన్నే చూస్తున్నది?
అప్పుడు గుర్తొచ్చింది

అది అద్దంలో నా ప్రతిబింబమే కదూ !

అమ్మా,నాన్నా ప్లీజ్ నన్ను చంపొద్దు

పాల బుగ్గల నునుపుతో

మన ఇంట్లో చిరునవ్వులు చిందిస్తా

గజ్జెల సవ్వడితో

సంగీతం వినిపిస్తా

అమ్మకు బాగోలేకపోతే

ప్రేమతో అన్నం తినిపిస్తా

నాన్న కు వయసు మీరితే

నే కూడా సంపాదిస్తా

మంచి చదువులు చదివి నేను

మేడం క్యూరిని అవుతా

దేశాన్ని పరిపాలించిన

ఇందిరను అవుతా

విశ్వం లో విహరించిన

సునీతాను అవుతా

దైవం చెప్పిన నిజాన్ని

నేను నీ కలలో చెప్పుతున్నా

కొడుకు పెట్టిన తలకొరివితో నీవు

స్వర్గానికి వెళదామనుకున్నావు,

కాని ఆడపిల్లనని కడుపులోన

నన్ను చంపి నరకానికి వెళ్ళొద్దు

అమ్మా,నాన్నా ప్లీజ్ నన్ను చంపొద్దు

వీడ్కోలు

చల్లని ఆడవిలో

ప్రేమ నిండిన మనసుతో

అమ్మ ప్రేమ అనురాగం తో

పెరుగుతున్న జింకపిల్ల

కౄరమైన వేటగాడి

బాణానికి మరణించింది

తన తల్లికి కన్నీరు మిగిల్చింది

కల్లొల సముద్రంలో

సునామీ తాకిడికి

ఒక భారీ నౌక

ఒడ్డున చేరి

విగతజీవిగా మారింది

సాగరం తో తన అనుబందం

కోల్పోయింది

దూరమైన ప్రేయసి ఆలోచనలతో

విషాద వదనంతో

జీవితం అంథకారంలో ఉన్న

ఒంటరి బాటసారికి

మిణికుమిణికుమన్న

అందమైన నక్షత్రం పలుకరించింది

వెనువెంటనే అది రాలిపోయింది

ఈ విశ్వాన్ని అది వీడిపోయింది

నక్షత్రాలే మరణించినప్పుడు

చిన్న మనసుల మనుష్యులం మనం

ఎలా ఈ బందాలు శాశ్వతం ?