అటుగా వెళుతున్న నాకు ఒక
ఆకారం కనిపించింది
నేను పలుకరించాలనుకున్నా
తను కూడా పలుకరించింది
నేను మాట్లాడాలనుకున్న
తను కూడా మాటలు నాతో కలిపింది
నేను చిరునవ్వులు చిందించా
తను కూడా చిరునవ్వులు చిందించింది
కోపం వచ్చి గట్టిగా అరిచా
తనుకూడా నాతోపాటే అరిచింది
అక్కడి నుండి వెళ్ళిపోవాలనుకున్నా.
వెళ్ళిపోతూ వెనక్కు తిరిగి చూసా
మళ్ళీ కనిపించింది
ఎవరా వ్యక్తి నన్నే చూస్తున్నది?
అప్పుడు గుర్తొచ్చింది
అది అద్దంలో నా ప్రతిబింబమే కదూ !
