నీ తోడు కావాలని

మొన్న కనిపించిన
నీ అందం నన్ను
మరపింపచేసింది
నా కనుపాపలలో
నీ రూపం
విడిచివెళ్ళనంటుంది
రెప్పల మాటున
అది దాగుండిపోయింది
నిదురలోనూ
నీ ప్రతిబింబం నన్ను
తట్టి లేపింది
నీ వెంటే నేనున్నానంటూ నన్ను
పలుకరించింది
నా ఉచ్చ్వాస నిశ్వాసలోనూ
నీ పూల పరిమళం
పూరించివేసింది
ప్రతి నా శరీరపు
ప్రతి అణువునూ అది
మత్తెకిస్తూంది
నా గుండె చప్పుడును
నీ చిలిపి అల్లరి
బందించివేసింది
ప్రతి లయ నీ తోడు
కోరుకుంటూంది
దూరంగా ఉన్న
మన తనువులు
దగ్గరవ్వాలని
ఒక్కటైన మన హౄదయం
ఆశపడుతుంది