పిరికి ప్రేమికుడు

నేను ప్రేమిస్తున్నానని
మేఘం తో మొర పెట్టుకున్నా
ప్రియురాలిని చేరేలోపే
అది ఆనందంతో వర్షించి
కనుమరుగై పోయింది

సముద్రపు అలలతో
నా ప్రేమ విషయం సంభాషించా
ఆ అల నా కాళ్ళ దగ్గరే అలసిపోయింది

మా చందమామ తో కూడా చెప్పా
ఆ రోజు అతడు అలసి నిద్రపోయాడు
మరుసటి రోజు ఆ విషయం మరచిపోయాడు

ఒక జింక నా ప్రేమ విషయం చెబుతానన్నది
దారి మద్యలో వేటగాడి బాణానికి బలి అయ్యింది

అటుగా వెలుతున్న ఉడుత నాతో
ప్రేమను చెప్పడానికి భయపడే నీకు
ప్రేమించడం ఎందుకు అని అన్నది